الفيس بوك فى اوربا والدول المتقدمة

الفيس بوك فى اوربا والدول المتقدمة هو موقع تواصل اجتماعى

الفيس بوك فى مصر وصلات من الردح الاجتماعى

الفيس بوك فى اوربا والدول المتقدمة يتلاقى من خلاله الاهل والاصدقاء للاطمئنان على بعضهم البعض

الفيس بوك فى مصر يتفنن فيه الافراد فى استخدام الاسماء المستعارة والهروب ممن يعرفوهم

الفيس بوك فى اوربا والدول المتقدمه يستغله الشباب لتبادل الاراء او قراءة اخر الاخبار او ممارسة هواياتهم

الفيس بوك فى مصر يستغله الشباب للايقاع باكبر عدد من البنات

الفيس بوك فى اوربا والدول المتقدمة تتعامل فيه البنت على انها انسانه  لها اسم وصورة وبيانات

الفيس بوك فى مصر تتعامل فيه البنت على انها سر من اسرار المخابرات فلا اسم حقيقى ولا صورة ولا اى بيانات حقيقية

الفيس بوك فى اوربا والدول المتقدمه بيكتبوا ارقام تليفوناتهم فى بيانات الاكاونت

الفيس بوك فى مصر بيكتبوا اتصل ب 0900 وابقى قابلنى لو عرفت الرقم

الفيس بوك فى اوربا والدول المتقدمة مش بيعملوا like   الا لما حاجة تعجبهم فعلا

الفيس بوك فى مصر مش بيعملوا like   الا لما تكون بنت هى اللى عاملة ال post

الفيس بوك فى اوربا مش بيعملوا event  الا لما يكون حدث كبير ويستاهل زى مهرجان "الاوسكار" او "كان" مثلا

الفيس بوك فى مصر مش بيعملوا  event  الا لما يكون حدث من نوعية (عايزين نجمع مليون واحد قبل اول الشهر اللى جاى ومش عارفين ليه ؟ او مثلا event   اقتحام وزارة من الوزارات ... أو event  لحرق جامعة من الجامعات.

الفيس بوك فى اوربا والدول المتقدمه كل شخص يملك اكاونت واحد

الفيس بوك فى مصر كل شخص يمتلك at least  3 اكاونت واحد للاصدقاء وواحد للعيلة وواحد سرى للحبيب

الفيس بوك فى اوربا والدول المتقدمه يكتبون فيه الحقيقة ولا يجدوا اى حرجا فى هذا

 الفيس بوك فى مصر يكتبون فيه كل ما هو مزيف ويشعر كل فرد بأنه مراقب بالاقمار الصناعية وان المؤامرات تنتظره والموساد ينتظر جمع معلومات عنه

الفيس بوك فى اوربا والدول المتقدمه فقط تحتاج لان تكون طيب وودود ومهذب لتكسب حب وتعاطف الناس

الفيس بوك فى مصر فقط تحتاج لبعض الادعية الدينية وبعض عبارات الندم والانكسار لتكسب حب وتعاطف الناس

 الفيس بوك فى اوربا والدول المتقدمه البنات موجودين فى قائمة اصدقائك طول العمر

الفيس بوك فى مصر البنات موجودين عندك قائمة الاصدقاء حتى الخطوبة فقط وبعد كده خطيبى طلب مسح كل الولاد انا اسفة يا بيبى مقدرش اكسر كلمة لخطيبى

الفيس بوك فى اوربا والدول المتقدمه موقع امان و بيس يا مان

الفيس بوك فى مصر ادمان وكله جنان .